A xogadora do Deportivo ABANCA B Carlota Sánchez, que se proclamou o pasado mes de xaneiro campioa do Torneo del Atlántico en Santa Cruz de Tenerife, regresa á selección española sub-17 para uns adestramentos en Las Rozas (Madrid), desde mañá luns 22 ao mércores 25 de abril.
Esta concentración servirá de preparación para a Fase Final do Campionato de Europa sub-17, do 2 ao 18 de maio próximo en Bulgaria. A futbolista coruñesa conta con moitas opcións de ser convocada.
Carlota segue os pasos dados con anterioridade por outras xogadoras deportivistas como Teresa Abelleira, Nuria Rábano e Malena Mieres, tamén internacionais en categorías inferiores.
