O encontro, no que se impuxeron as defensas aos ataques, celebrouse esta pasada madrugada (horario español).
O segundo amigable para Costa Rica e Celso Borges será o martes 31 de marzo en Panamá ante o combinado centroamericano.
Sam Piette, do Fabril, xoga hoxe venres con Canadá
Hoxe venres (noite en España), a quenda será para o fabrilista Sam Piette, que se mide con Canadá a Guatemala, nun partido de preparación.
O luns 30, os canadenses visitarán San Juan de Porto Rico.
José Rodríguez e Cavaleiro, titulares nas súas seleccións Sub-21
Os deportivistas José Rodríguez e Iván Cavaleiro foron titulares onte nos amigables das súas respectivas seleccións Sub-21.
José Rodríguez xogou coa Selección Española o noventa minutos en Cartaxena ante Noruega (2-0). Munir e Deulofeu anotaron polos hispanos, que dominaron con claridade ao seu rival. O deportivista fixo parella no centro do campo con Óliver Torres.
O luns 30 ás 20.30 horas en León, a Sub-21 española enfróntase a Bielorrusia, noutro encontro amigable, co que se pechará esta concentración.
Pola súa banda, Cavaleiro disputou unicamente a primeira metade do empate sen goles entre Portugal e Dinamarca na localidade portuguesa de Marinha Grande. O equipo luso estivo a bo nivel e o xogador branquiazul dispuxo dalgunha que outra oportunidade para marcar.
O vindeiro martes 31 de marzo, ás 18.00 horas en Praga, a selección Sub-21 de Portugal visita á República Checa, tamén preparatorio para o Campionato de Europa da categoría.
Medunjanin ten partido oficial con Bosnia en Andorra este sábado
Haris Medunjanin, con Bosnia Herzegovina, visita Andorra, no Stadi Nacional de Andorra a Vella, o sábado 28 de marzo ás 20:45 horas. Este encontro é clasificatorio para o Campionato de Europa 2016.
No segundo partido, amigable, o combinado bosníaco enfróntase a Austria no Estadio Ernst Happel de Viena, o martes día 31 ás 20:30 horas.
