RCD / NOVAS

Concentración final desde mañá para Teresa Abelleira e María Méndez previa ao Europeo sub-19

09/07/2019 20:05

Foto: - www.sefutbol.es - 

A capitá do Deportivo ABANCA, Teresa Abelleira; e María Méndez, recentemente incorporada ao conxunto deportivista, inician mañá mércores 10 de xullo na Cidade do Fútbol de Las Rozas (Madrid) a concentración final previa ao Campionato de Europa sub-19 que se disputará este mesmo mes en Escocia.

As futbolistas branquiazuis e as outras 18 citadas para esta cita continental emprenderán viaxe o domingo 14 de xullo a Edimburgo.

España quedou encadrada no grupo B, con Inglaterra, Bélxica e Alemaña.

O calendario de partidos da Primeira Fase da selección española, en horario local (unha hora máis en España) é o seguinte:

Martes 16 de xullo
17:00: ESPAÑA - BÉLXICA, no Forthbank Stadium en Stirling

Venres 19 de xullo
17:00: INGLATERRA - ESPAÑA, no Forthbank Stadium en Stirling

Luns 22 de xullo
17:00: ALEMAÑA - ESPAÑA, no Forthbank Stadium en Stirling

As dúas primeiras seleccións pasan a semifinais, que se xogan o xoves 25 de xullo.