David Simón Rodríguez Santana (As Palmas, 16 de decembro de 1988) é, desde esta tarde, novo xogador do Real Club Deportivo para as dúas próximas temporadas.
Até este momento o novo lateral dereito deportivista desenvolveu toda a súa carreira no fútbol canario, entre a UD Vecindario e o seu club de procedencia, a UD Las Palmas, sumando 145 partidos, 5 goles e 17 asistencias no seu haber.
Após pasar recoñecemento médico na tarde de hoxe nas instalacións do policlínico HM Matogrande, incorporarase mañá aos adestramentos do Dépor na Cidade Deportiva de Abegondo.