Decisivo triunfo de España no Europeo sub-19, con Teresa no once inicial
- Foto: RFEF -
As xogadoras do Deportivo ABANCA Malena Mieres e Teresa Abelleira están en Suíza coa selección española, na defensa do título de campioas de Europa sub-19.
A gardameta e centrocampista branquiazuis tiveron hoxe sábado no estadio Herti Allmend de Zug unha cita transcendental ante a anfitrioa, Suíza.
Gañaron as españolas (0-2), con Teresa no once inicial. Malena non chegou a saltar ao terreo de xogo.
España xogarase o pase ás semifinais no terceiro partido da Primeira Fase, ante Francia, este martes 24 de xullo (18:15) en Zug.
Na primeira xornada disputada o pasado mércores, con Teresa Abelleira titular e Malena no banco, as españolas non puideron coas norueguesas (0-2), que sentenciaron con 2 tantos en 8 minutos da primeira parte.
O calendario do equipo español, cos resultados dos partidos xa xogados, é o seguinte:
Mércores 18 de xullo ESPAÑA 0 - NORUEGA 2
Sábado 21 de xullo SUÍZA 0 - ESPAÑA 2
Martes 24 de xullo 18:15: FRANCIA - ESPAÑA, no estadio Herti Allmend (Zug)
Os dous primeiros de cada grupo pasan ás semifinais (venres 27 de xullo) e os vencedores á final (luns 30 de xullo).