Diego Villares Yáñez (Vilalba, 17 de xuño de 1996) asinou esta tarde na sede do Club na praza de Pontevedra, xunto ao presidente Antonio Couceiro, o novo contrato que o vincula ao RC Deportivo até o 30 de xuño de 2025.
O centrocampista Deportivista completará este mes a súa primeira temporada íntegra defendendo a camiseta do primeiro equipo, ao que deu o salto desde o Fabril no mercado de inverno 20-21. O noso filial e Racing Villalbés foron os seus equipos de formación antes de empezar a sumar encontros en ABANCA-RIAZOR e en Segunda B/Primeira RFEF. 38 partidos e un gol, o da pasada fin de semana ante o CD Tudelano, son a carta de presentación de Diego Villares antes de estampar a súa firma no novo contrato co Dépor para seguir sendo un dos Nosos 3 anos máis.
