As xogadoras do Deportivo ABANCA Malena Mieres e Teresa Abelleira iniciaron hoxe mércores 18 de xullo en Suíza, coa selección española, a defensa do título de campioas de Europa sub-19.
A gardameta e centrocampista branquiazuis tiveron como primeiro rival a Noruega, na localidade de Wohlen.
Con Teresa Abelleira no once titular e Malena no banco, as españolas non puideron coas norueguesas (0-2), que sentenciaron con 2 tantos en 8 minutos da primeira parte.
A próxima cita para España será o sábado fronte á anfitrioa, Suíza, nun partido (18:15 horas) transcendental de cara á clasificación para semifinais.
O calendario do equipo español, cos resultados dos partidos xa xogados, é o seguinte:
Mércores 18 de xullo
ESPAÑA 0 - NORUEGA 2
Sábado 21 de xullo
18:15: SUÍZA - ESPAÑA, no estadio Herti Allmend (Zug)
Martes 24 de xullo
18:15: FRANCIA - ESPAÑA, no estadio Herti Allmend (Zug)
Os dous primeiros de cada grupo pasan ás semifinais (venres 27 de xullo) e os vencedores á final (luns 30 de xullo).
