Clarence Seedorf manifestou na sala de prensa de Butarque, sobre as opcións de permanencia do Deportivo, que "as matemáticas din que todo é posible".
Do Leganés, subliñou que "xoga moi pechado, moi ben organizado. O Dépor foi a polo partido. O que pasa que un adversario non vaiche a deixar 8 ou 10 ocasións todos os partidos. Tivemos as nosas ocasións e non puidemos aproveitalas".
Vese "igual de motivado, como cando cheguei (ao Deportivo), porque o grupo segue dando respostas positivas". Admite que esta temporada "é un ano particular, pero imos loitar até o final".
Recoñece que "hai cousas que mellorar sempre, e niso estamos todos os días. Pero en xeral os xogadores están a facer un gran traballo e estou contento do que están a dar dentro e fóra do campo".
Asegura que o vestiario "non se vai a vir abaixo. Nós matematicamente podemos salvarnos. Ata que sexa así vou repetir a mesma canción desde que cheguei. Non imos cambiar. ¿Por que non é posible gañar 4 partidos nós? ¿Por que o Levante non pode perder 4 partidos seguidos? O fútbol é así. Vivino eu tantas veces. Sorpréndome que cada semana hai esta pregunta cando vemos que todos os anos pasa".
Lembra que o Levante "baixou con 11 puntos de vantaxe. Ninguén pensaba que podía perder tantos partidos seguidos. Estamos moi vivos, preparados para gañar contra todos, contra Barcelona, Villarreal... contra todos. Aviso a todo o mundo. Se despois non o conseguimos, paciencia. Fútbol é fútbol. Respectando a forza do adversario, que o Barcelona é dos mellores do mundo, temos que ser perfectos. Pero creo que se pode facer. E así imos preparar as cousas. E espero que a afección siga con este ánimo".
