RCD / NOVAS

"Fixemos un gran partido ante un gran equipo", pero "o gol segue faltando", admite Seedorf

01/04/2018 23:34

Clarence Seedorf confesou na sala de prensa do Estadio Wanda Metropolitano estar "moi orgulloso de como xogamos hoxe. Fixemos un gran partido ante un gran adversario. O gol segue faltando. No fútbol ao final hai que facer goles para gañar".

O técnico holandés insiste en que "cando se xoga mal xógase mal e cando se xoga ben hai que recoñecelo. O equipo fixo un gran partido. Xogando así a vitoria a semana que vén case é matemática. Pero temos que xogar así".

Nesta liña, asegura que "ata que haxa posibilidades matemáticas, nós non imos tirar a toalla. Imposible".

Explica Seedorf que "o Dépor está a mellorar co tempo. Só faltan os resultados. Pero isto é o fútbol. Outras veces vemos que un equipo xoga malísimo 5 partidos e gaña os 5 partidos".

Recalca que "analizar os partidos de forma obxectiva dá forza ao equipo para levantarse rápido, para non perder moral, confianza e crer. Só as matemáticas vannos a facer tirar a toalla".

Máis novas de: SEEDORF