O internacional mexicano saíu da sala de recollida de equipaxes lucindo unha bufanda do Dépor ao pescozo e acompañado polo Secretario Técnico do Club, Eduardo López Beci, os seus axentes e a súa familia. Non dubidou en fotografarse con afeccionados, "Riazor Blues" e atendeu aos medios de comunicación presentes de forma multitudinaria en Alvedro. O futbolista confesou sentirse "feliz" e con ganas de empezar xa a traballar. Tras un breve paso polo Hotel Hesperia Juan Flórez, Gardado cea co Presidente Augusto César Lendoiro.

Mañá terá recoñecemento médico á primeira hora da mañá co doutor do Club Ramón Barral e, pola tarde, ao sete, presentación oficial en Riazor.

Non te perdas mañá martes unha entrevista exclusiva en Dépor Sport, o xornal oficial do Deportivo.

A súa firma de roupa deportiva prepara un anuncio publicitario de Gardado con David Vila e Leo Messi

           Adidas, a firma de roupa que viches a Andrés Gardado, prepara xa para as próximas semanas un anuncio publicitario que estará protagonizado polo deportivista, a valencianista Vila e o azulgrana Leo Messi. O internacional mexicano é a imaxe de Adidas no seu país. Todo un crack mediático.

            O Club abrirá as portas de tribuna ás 18.45 para a súa presentación

            O Real Club Deportivo, ante a avalancha de medios de comunicación mexicanos e españois, decidiu trasladar a presentación da sede do Club ao Estadio de Riazor.
            Aproveitando esta circunstancia, o Club abrirá as portas de Tribuna Inferior mañá martes ás 18.45. Ás 19.00 horas, Gardado dará unha rolda de prensa acompañado do Presidente, Augusto César Lendoiro, e do Consello de Administración do Real Club Deportivo. Pouco despois, saltará ao céspede do que será o seu novo estadio para o próximas cinco tempadas vestido coa indumentaria oficial.