RCD / NOVAS

Irureta: Hai que pelexar máis que nunca

Javier Irureta apelou unha vez máis ao apoio da afección para superar ao Lille no enfrontamento de Liga de Campións deste martes. O técnico deportivista admitiu "estamos con moita moral aínda que somos conscientes de que o Lille nos vai a crear moitas complicacións, pero estamos no noso campo e esperamos que co apoio da afección, unha vez máis, podamos sacalo adiante". "Gañar -dixo- significaría dar un paso definitivo".

22/10/2001 17:05

O apertado calendario tamén preocupa ao técnico do conxunto herculino xa que "o equipo está nunha dinámica de moitos partidos e con pouco tempo para recuperarnos". Pero tamén admitiu que "o prestixio da competición e os bos resultados poden ser unha motivación extra para os xogadores, pero sigo estando preocupado polas baixas aínda que", dixo, "a boa clasificación fai todo máis fácil, pero isto ás veces provoca que sexa difícil abstraerse do ambiente". .

Ante o rival francés, Irureta non se confía: "eu sei que o Lille é un equipo moi loitador. Que non se entenda que isto está feito, hai que pelexar máis que nunca, é un equipo moi disciplinado, fisicamente forte e, desde logo, non hai inimigo pequeno, non hai rival fácil e o Lille está a demostrar que está moi ben en Liga de Campións e na súa Liga e hai que pór todos os sentidos para superalo". En canto ás baixas no conxunto galo, para Irureta "a ausencia de Bakari, un home con altura e cabeceador fará que teñan que cambiar un pouco o estilo de xogo, buscando talvez mais a velocidade de Bassir..."

A preguntas dos medios de comunicación sobre a posible titularidade de Djalminha, Javier Irureta afirmou "se está na convocatoria ten as mesmas opcións que os demais de xogar de titular". E engadiu : "o tema non é Djalminha ou Valerón, senón o mellor rendemento do equipo. Hai que gañar e se a min garantísenme que cun ou co outro ou cos dous iamos gañar, seguro que sairiamos así. Ese non é o problema do Deportivo, o problema do Deportivo é que ten que gañar para pasar á seguinte fase.

Máis novas de: IRURETA

RCD / Noticias Relacionadas

17/06/2003 13:24 |

Irureta: Temos que estar orgullosos do que fixo este equipo

Javier Irureta compareceu ante os medios de comunicación tras a sesión de traballo matinal en Riazor. O técnico falou da súa renovación e fixo balance da tempada: "somos o equipo máis regular dos últimos anos. Estou orgulloso do equipo e deste persoal" e insistiu "este equipo vai facer Bota de Ouro e pichichi a Makaay" pero recoñeceu "teño a sensación de que se lle dá pouco valor ao terceiro posto. Quizais porque levantamos máis expectativas... noutros lugares a cuarta praza celébrase como un éxito e aquí parecemos avergoñados da terceira. Temos que estar orgullosos."