Acompañado polo Presidente Tino Fernández, e o Conselleiro da área Deportiva, Fernando Vidal, o internacional arxentino lembrou que trae de Coloccini, Xisco Jiménez e Poroto Lux " moi boas referencias do Club, da cidade, do ben que se vive aquí".
Neste sentido, apuntou que vén "sumar" e subliñou que a forza do Deportivo ten que ser o grupo: "Todos debemos remar para o mesmo lado".
Tino Fernández deulle a benvida e asegurou que "será moi ben tratado e moi querido".
O Presidente aproveitou a oportunidade para mostrar a súa satisfacción coa configuración do persoal e o corpo técnico. Ademais, agradeceu o labor de Fernando Vidal, Ernesto Belo e Richard Barral polo seu traballo nun verán cun total de 25 operacións entre incorporacións, saídas e cesións.
