O xuvenil Juan Rodríguez disputará con España sub-18 a 46ª edición da Copa do Atlántico, que se celebra na illa de Gran Canaria a finais deste mes de xaneiro.
Titular indiscutible no Xuvenil A de División de Honra, Juan Rodríguez leva xa varios partidos no filial de Terceira División ás ordes de Luisito.
A concentración do equipo nacional será o luns 27 de xaneiro, xusto despois do partido do Fabril no Couto ante o Ourense CF, previsto para o domingo 26 ás 17:00 horas, pertencente á 21ª xornada.
O canteirán branquiazul ten este calendario de partidos no combinado que dirixe o ex deportivista Pablo Amo:
Martes 28 de xaneiro
18:30: ESPAÑA - ESLOVAQUIA, no Municipal de Maspalomas (San Bartolomé de Tirajana)
Mércores 29 de xaneiro
18:30: ESPAÑA - XAPÓN, no Anexo ao Estadio Gran Canaria
Venres 31 de xaneiro
18:30: ESPAÑA - MÉXICO, no Anexo ao Estadio Gran Canaria
O regreso á Coruña será o sábado 1 de febreiro, co tempo xusto para a seguinte cita ligueira do Fabril, nun principio o domingo 2 de febreiro en Abegondo ante o CD Arenteiro.
Mella, coa sub-15 a San Pedro del Pinatar
Pola súa banda, David Mella foi citado pola selección española sub-15 para disputar 3 encontros internacionais a próxima semana nas instalacións de Pinatar Arena, sitas na localidade murciana de San Pedro del Pinatar.
Así, o combinado nacional que prepara Julen Guerrero ten este calendario de partidos:
Xoves 30 de xaneiro
13:00: ESPAÑA - REPÚBLICA DE IRLANDA
Sábado 1 de febreiro
13:00: REPÚBLICA CHECA - ESPAÑA
Luns 3 de febreiro
16:00: ESPAÑA - PAÍSES BAIXOS
Mella concentrarase con España o vindeiro luns 27 de xaneiro. Así pois, poderá xogar co seu equipo, o Cadete A, o seu partido da División de Honra ante o CD Calasanz previsto para este venres 24 de xaneiro ás 19:30 horas en Abegondo, en choque correspondente á 19ª xornada.
O dianteiro deportivista, que suma 7 goles en 17 partidos disputados esta temporada en liga, si será baixa obrigada co seu equipo a xornada seguinte, cando o Cadete A visite ao Racing de Ferrol na 20ª xornada.