Luís Alberto, contento ''pola imaxe do equipo, por estar tan unidos'' en #ONosoDerbi

Na xogada que protagonizou Luís Alberto, que puido supor o 0-2, "se a meto, o partido fose doutra forma. É un 0-2, estabamos moi ben, moi tranquilos, tiñamos o partido bastante controlado. Vaime facendo penalti pero eu tento seguir, seguir, seguir. Ao final tampouco tiro. O que se equivoca son eu. Ou me teño que tirar ou metela. Pero iso xa pasou".

 

Quixo agradecer o apoio dos afeccionados branquiazuis na bancada de Balaídos, porque "sempre dan un plus máis aos xogadores".

 

A nivel persoal, confesou atoparse "ben. Son partidos que gusta xogar, son partidos bonitos. A verdade é que foi un partido moi limpo dentro de todo o que é un derbi e iso é bo para o fútbol e para a deportividade".

 

Agora, ante As Palmas este luns 11 de abril en Riazor (20.30 horas, Canle + Liga/ Abono Fútbol, "queremos chegar aos 40 puntos e tentar sempre sumar os máximos posibles, e non ter que esperar aos dous últimos partidos. Hai que tentar pechalo xa e quedar tranquilos en todo o que resta de tempada".