Manuel Pablo cre que a decisión sobre o seu futuro 'debe ser acordada entre todos'

O capitán deportivista insiste en que a decisión final non lle corresponde a el, se non que debe ser unha "decisión entre todos, non algo que impoña eu. Debe ser algo acordado entre todos e éso é o que quero falar. Non é porque eu queira e xa está. Non tiven estes días a oportunidade de falar co míster e nos próximos días ou cando estea máis liberado, comunicarémolo".

Admite que "dúbidas sempre tiven porque non participas en nada, estás un pouco aí que non sumas, aínda que eu víseme ben e crese que podía xogar. Estás na idade en que cando non participas a xente non lle atopa sentido a que teñas un xogador de tantos anos no equipo. Por éso todas esas dúbidas. Pero as ganas de querer seguir si que as tes".

Na pasada recta final, na que Manuel Pablo foi titular nos partidos nos que estivo en óptimas condicións físicas, opina que "está claro que cando participas e vesche aí, aínda que ao final foron poucos partidos, esa alegría tela. Vesche que segues podendo achegar en momentos determinados cousas. E éso déixache un pouco aí, en querer saber o que opinan as demais partes. Ti podes pensar que en momentos determinados poidas achegar cousas, e se cadra as outras partes non. Por éso hai que falalo, hai que ver e que pensamos todos un pouco".

Lembra con agarimo o abrazo con Xavi o pasado sábado no Camp Nou: "Díxenlle que me levase para Qatar (entre risas). Darlle o parabén por todo, que é el que vai ter unha experiencia nova para el. Era o recoñecemento de dous xogadores que levamos moito enfrontándose. Alégrome por todo o que conseguiu, e oxalá nesa nova etapa poida seguir gozando".

Finalmente, asegurou que o Club "vai tentar quedar con Fabricio"; e cre que Lucas "pode ser un xogador importante". "Se eu puidese, quedaríamo", engadiu Manuel Pablo en referencia ao atacante coruñés.