Novo paso de Teresa Abelleira, titular coa Selección Española Sub-19 en Italia
Teresa Abelleira foi titular hoxe martes coa Selección Española Sub-19, vixente campioa de Europa, no primeiro dos dous partidos internacionais amigables ante Italia, en Florencia.
A centrocampista do Deportivo ABANCA xogou 71 minutos ata que foi relevada por Nerea Eizaguirre, xa co 2-2 no marcador, que sería definitivo.
Este xoves 14 a partir das 17:30 horas terá lugar un novo enfrontamento entre ambas as seleccións, no Coverciano Technical Center.
Teresa Abelleira proclamouse a temporada pasada subcampioa de Europa coa Selección Española Sub-17.