A futbolista do Deportivo ABANCA Nuria Rábano dixo adeus á Selección Española Sub-19 que participa no Campionato de Europa da categoría debido a unha escordadura de nocello de grao 2 que sufriu ante Alemaña e que lle impediu seguir no partido na segunda metade.
A atacante deportivista foi titular nos dous primeiros encontros de España, ante Irlanda do Norte e o venres fronte a Alemaña, no que desgraciadamente caeu lesionada.
Nada máis chegar á Coruña, será avaliada polos Servizos Médicos do Club.
Ane Azkona substitúe a Nuria Rábano na Selección.
