O Deportivo ABANCA recibe mañá domingo 25 de febreiro ao Racing Féminas en Ponte dos Brozos (Arteixo), en partido correspondente á 19ª xornada no grupo 1º de Segunda División Nacional que comezará ás 16:30 horas.
Os socios deportivistas teñen libre acceso ao recinto arteixán. Para o público, a entrada sénior costa 10 euros e 3 euros para os menores de 16 anos.
Manu Sánchez, técnico deportivista, citou para este complicado compromiso ante un rival da zona alta, a estas xogadoras: Malena, Sheila, Raquel, Patri, Lía, Mérida, Jone, Iris, Kika, Cris, Peke, Oreiro, Gaby, Teresa, Miga e Miriam.
O equipo branquiazul é líder do grupo 1º de Segunda División Nacional con 52 puntos, con 1 punto de vantaxe sobre o Oviedo Moderno, que ten 51.
