Un exercicio de saída de balón foi unha das tarefas principais do Dépor esta mañá no campo 2 da Cidade Deportiva. Natxo González quere un equipo protagonista que sexa dono da pelota e que tente levar o mando dos partidos, tal e como apunta en cada rolda de prensa.
A continuación, o técnico deportivista dispuxo dunha tarefa táctica defensiva.
Hoxe tiveron adestramento específico Celso Borges e Borja Valle, ambos con molestias nos aductores; ademais de Christian Santos, Francis, Bicho e Álex Cobo.
Os fabrilistas Diego Caballo e Uxío estiveron ás ordes de Natxo González, ademais de Mujaid.
Mañá sábado haberá adestramento en Abegondo ás 10:30 horas e, pola tarde (19:00 horas), último amigable do verán, no campo Martínez Otero de Foz fronte ao Real Oviedo, co Trofeo Vila de Foz en xogo.
