O Dépor Genuine desprázase mañá venres a Bilbao, onde esta fin de semana disputará a xornada final de LaLiga Genuine 2021-2022, que terá como escenario as instalacións de Lezama, cidade deportiva do Athletic Club.
Andrés Manuel Barbeito, Nuria Barreiro, Iván Bernárdez, Antonio Cagiao, Carmen Durán, Senén Fernández, Saúl Jiménez, Nikita Kharlamov, Alejandro Lugrís, Xosé Marquina, Sergio Nieto, Alberto Piñeiro, Álex Rey, Miguel Rivas, Juan Andrés Taboada e Víctor Vales son os 16 futbolistas convocados polos adestradores Lucía Otero e Carlos García.
O equipo realizou as dúas últimas sesións de adestramento o pasado luns 30 de maio e onte mércores 1 de xuño na Cidade Deportiva da Torre.
Nesta ocasión, os rivais do Dépor Genuine serán Levante UD EDI, Real Sociedad Fundazioa –ambos na xornada do sábado–, e Sevilla FC, na matinal do domingo.
Na primeira fase, disputada a inicios do pasado mes de abril en Las Palmas de Gran Canaria, o Dépor Genuine venceu a Real Betis Balompié e Fundación Albacete e perdeu ante o Fundació Futbol Base Reus. Na segunda, fai tres semanas en Málaga, os branquiazuis caeron nos seus tres encontros, fronte a Fundació Barça, SD Eibar Fundazioa e RCD Mallorca.
Con estes resultados, o Dépor Genuine ocupa a 15ª praza do Grupo Compañeirismo con 10 puntos e 155 puntos fairplay.
O plan de viaxe do Dépor Genuine é o seguinte:
Venres 3 de xuño
6:25: Saída en autocar a Santiago
9:05: Saída do voo de Santiago con destino ao Aeroporto de Bilbao
10:10: Chegada aproximada ao Aeroporto de Bilbao e traslado ao hotel Puerta Bilbao, en Barakaldo
Sábado 4 de xuño
9:30: DÉPOR GENUINE - LEVANTE UD EDI, no campo 6
16:00: DÉPOR GENUINE - REAL SOCIEDAD FUNDAZIOA, no campo 4
Domingo 5 de xuño
9:00: SEVILLA FC - DÉPOR GENUINE, no campo 2
18:10: Saída do voo do Aeroporto de Bilbao con destino Santiago
19:15: Chegada aproximada a Galicia
