O Deportivo Abanca conquistou hoxe domingo a primeira edición do 'Memorial Fernando Gordo' ao imporse (0-3) no Estadio Adolfo Suárez de Ávila ao Club Casa Social Católica.
Manu Sánchez puido dispor das súas mellores xogadoras, agás Tere Abelleira, que chegou do Campionato de Europa Sub-17 co seu nocello esquerdo maltreito.
Cris, Elvira e unha futbolista rival en propia meta foron as autoras dos goles que certificaron a superioridade deportivista ante un correúdo rival.
Deportivo Abanca: Malena, Miga, Miriam, Carmela, Cris, Perdi, Lía, Kika, Nuria, Elvira e Gabi. Tamén xogaron: María Corral, Anita, Raquel e Estefi.
