O Deportivo ABANCA defende o liderado este domingo en Arteixo ante o Sporting de Gijón
O Deportivo ABANCA preparará esta semana con catro sesións de adestramento o partido ante o Sporting de Gijón, pertencente á 11ª xornada do grupo 1º en Segunda División Nacional, previsto para o domingo 26 de novembro ás 17:00 horas en Ponte dos Brozos (Arteixo).
Os socios deportivistas teñen libre acceso ao recinto arteixán. Para o público, a entrada sénior costa 10 euros; e 3 euros para os menores de 16 anos.
Manu Sánchez, técnico do Deportivo ABANCA, planificou este calendario de preparación:
Luns 20 de novembro Descanso
Martes 21 de novembro 20:30: Adestramento en Abegondo
Mércores 22 de novembro 20:00: Adestramento en Abegondo
Xoves 23 de novembro 20:30: Adestramento en Ponte dos Brozos (Arteixo)
Venres 24 de novembro 19:00: Adestramento en Abegondo
Sábado 25 de novembro Descanso
Domingo 26 de novembro 17:00: Deportivo ABANCA - Sporting de Gijón, en Ponte dos Brozos (Arteixo)
O importante triunfo onte en Oviedo devolveu ao Deportivo ABANCA ao liderado da clasificación: 28 puntos teñen agora as deportivistas por 27 o cadro ovetense, segundo na táboa.