O Deportivo Abanca, xa matematicamente subcampión do grupo 1º da Segunda División Nacional, afronta a última xornada ligueira coa visita a Arteixo do FPVR El Olivo, mañá domingo 30 de abril ás 12:00 horas.
Para este encontro, no que o equipo vigués se xoga a permanencia na categoría, os socios do Deportivo teñen libre acceso. Para o público, a entrada sénior costa 10 euros; e 3 euros para os menores de 16 anos.
Manu Sánchez citou a estas xogadoras para despedirse do campionato ligueiro: Anita, Malena, Cris, Carmela, Estefi, Miriam, Kika, Gabi, Nuria, Ari, María Corral, Miga, Patri, Lía, Elvira y Alba (esta do Deportivo Abanca B).
Tere Abelleira, de camiño á República Checa
Tere Abelleira, capitá do Deportivo Abanca, viaxa mañá domingo 30 de abril coa Selección Española Sub-17 á República Checa para xogar a Fase Final do Campionato de Europa da categoría.
España quedou emparellada no grupo A, con Francia, Alemaña e a República Checa.
O calendario é o seguinte:
Martes 2 de maio
16:00: ESPAÑA - ALEMAÑA (no Estadio Prestice, en Prestice)
Venres 5 de maio
11:00: REPÚBLICA CHECA - ESPAÑA (no Estadio Domazlice, en Domazlice)
Luns 8 de maio
14:00: FRANCIA - ESPAÑA (no Estadio Prestice, en Prestice)
Os dous primeiros de grupo pasan a semifinais, que se xogarán o 11 de maio.
