Hoxe xoves 12 de outubro, día festivo, o Deportivo ABANCA visitou ao Victoria CF na segunda xornada da Primeira Fase da Copa Galicia.
Venceron as deportivistas (0-5), un resultado que as clasifica matematicamente como primeiras do grupo norte para a semifinal, que será ante o segundo clasificado do grupo sur, nunha eliminatoria a ida e volta.
Estefi -2-, Peke -2- e Sara foron as autoras dos goles ante o Victoria CF, nun partido dominado de principio a fin polo Deportivo ABANCA.
O encontro tivo como nota positiva ademais o regreso de Nuria, recuperada da lesión de nocello sufrida coa Selección Española no último Campionato de Europa Sub-19.
Deportivo ABANCA: Sheila, Raquel, Silvia Mérida, Patri, Miga, Oreiro, Peke, María Corral, Nuria, Estefi e Jone. Tamén xogaron: Teresa, Kika, Gaby, Sara e Michelle.
Os resultados do equipo deportivista nesta competición foron os seguintes:
Deportivo ABANCA 7 (Peke -4-, Gaby -2- e Estefi) - CPM Friol 0
Victoria CF 0 - Deportivo ABANCA 5 (Estefi -2-, Peke -2- e Sara)
A fin de semana, concretamente o domingo 15 de outubro (10:30 horas), toca de novo xogar lonxe de Arteixo, concretamente en Santander (Ciudad Deportiva del Racing, campo Nando Yosu) ante o CDE Racing Féminas, na 6ª xornada de liga no grupo 1º de Segunda División Nacional.
