O Deportivo ABANCA traslada, desde esta temporada 2018-2019, a totalidade da súa actividade á Cidade Deportiva de Abegondo. Após as obras de reforma, mellora e mantemento acometidas nas instalacións do Deportivo coa construción de novos vestiarios e a xestión de uso e mantemento de campos, a Cidade Deportiva de Abegondo xa está preparada para asumir as demandas dos dous equipos, ademais das de todos os que até este momento xa se adestraban e competían nas instalacións deportivistas, desde o Benxamín B ao primeiro equipo masculino.
As xogadoras do Dépor ABANCA e o Dépor ABANCA B, adestrarán a diario na Cidade Deportiva, onde xa se viña realizando parte do traballo, e competirán nos campos habilitados para partidos oficiais de Abegondo.
Deste xeito, o Real Club Deportivo finaliza a súa vinculación co Concello de Arteixo, que acolleu a actividade do Deportivo ABANCA nos seus dous primeiros anos de existencia e nun momento clave e complicado para que o proxecto puidese arrincar nas condicións necesarias. Por iso, o Real Club Deportivo quere mostrar o seu sincero agradecemento ao Concello de Arteixo e ao Atlético Arteixo por todos os esforzos realizados durante estas dúas temporadas e por todas as atencións recibidas cada día nos que o Dépor sentiu en Arteixo igual que en casa.
