O Fabril impúxose en Redondela ao CD Choco (0-1) grazas a un gol de Jesús Ares no minuto 88.
O fabrilista recibiu na área, recortou ao seu defensor e o seu disparo coa perna esquerda non o pode despexar o meta local Cortegoso, e un defensor sacouno xa dentro da portería.
O encontro arrincou con igualdade, a pesar da agónica situación na táboa do CD Choco, pechacancelas e practicamente descendido. Só minutos antes do descanso o Fabril deu un paso á fronte e comezou a asediar ao seu rival. Jairo gozou da mellor ocasión nestes primeiros 45 minutos, pero a meta Cortegoso, o mellor do seu equipo, evitou o gol.
Após o descanso, o filial deportivista foise decididamente a por o triunfo e comezaron a chegar as ocasións, ata que Jesús Ares decidiu o partido con esa acción individual na área.
Con este resultado o equipo de Óscar Gilsanz suma 53 puntos á fronte da táboa por 49 agora do Arosa SC, que empatou en Arteixo (2-2). Os fabrilistas amplían en 4 puntos a súa vantaxe, a falta de 4 partidos para o final da competición.
Fabril: Hugo Ríos, Marc, Fito, Puerto, Iano Simao, Brais Val, Rubén, Jairo, Mella, Nájera e Martín Ochoa. Tamén xogaron: Davo, Jesús Ares, Iñaki e Iván.
A próxima fin de semana, o Fabril mídese en Abegondo ao UD Ourense, un equipo en postos de play off de ascenso.
Os resultados do Fabril en liga até a data son os seguintes:
UD Paiosaco 0 - Fabril 1 (Diego Gómez)
Fabril 1 (Dani Barcia) - Alondras CF 1
Fabril 2 (Jairo e Diego Gómez) - Arosa SC 1
CD Estradense 2 - Fabril 2 (Nájera -2-)
Fabril 4 (Nájera -2- e Martín Ochoa -2-) - CSD Arzúa 0
Rápido de Bouzas 0 - Fabril 0
Fabril 6 (Nájera -2-, Martín Ochoa -3- e Iván) - Viveiro CF 0
Gran Peña FC 1 - Fabril 2 (Martín Ochoa -2-)
Fabril 3 (Nájera, Diego Gómez e Marc Lachèvre) - Silva SD 2
Atlético Arteixo 1 - Fabril 2 (Martín Ochoa e Dani Barcia)
Fabril 3 (Martín Ochoa, Diego Gómez e Iván) - CD Choco 1
UD Ourense 2 - Fabril 2 (Martín Ochoa e Iano Simão)
Fabril 0 - UD Somozas 1
Racing Villalbés 0 - Fabril 0
Fabril 4 (Nájera, Iano Simao, Martín Ochoa e Diego Gómez) - CD Barco 1
Fabril 2 (Jesús Ares e Diego Gómez) - UD Paiosaco 0
Alondras CF 1 - Fabril 0
Arosa SC 0 - Fabril 0
Fabril 3 (Martín Ochoa, Dani Barcia e Iván) - CD Estradense 0
CSD Arzúa 0 - Fabril 1 (Martín Ochoa)
Fabril 0 - Rápido de Bouzas 0
Viveiro CF 1 - Fabril 1 (Martín Ochoa)
Fabril 2 (Martín Ochoa e Iano Simão) - Gran Peña FC 1
Silva SD 1 - Fabril 0
Fabril 1 (Davo) - Atlético Arteixo 0
CD Choco 0 - Fabril 1 (Jesús Ares)
