O fútbol castiga de novo ao Fabril, derrotado en Bouzas no último minuto
O fútbol non dá respiro ao Fabril esta temporada. Esta tarde caeu en Bouzas ante o Rápido (2-1) cun gol do dianteiro local Yousef no último minuto do desconto do partido.
Atrás quedou un partido de ida e volta que puido caer para calquera dos dous equipos, e oportunidades desperdiciadas por parte do Fabril, como un tiro ao pau de May no último minuto da primeira parte e varias ocasións claras na segunda metade, como unha de Bicho no minuto 57.
Este cruel resultado deixa ao Fabril na 20ª praza con 19 puntos.
Fabril: Álex Cobo, Valín, Quique Fornos, Segado, One, Javi Cobo, May, Bicho, Uxío, Montiel e Abeledo. Tamén xogaron: Carlos López, Salles-Lamonge e Gandoy.
O vindeiro sábado 30 de marzo, o Fabril recibe en Abegondo ao Pontevedra CF.
Así marcha a temporada do Fabril:
Internacional de Madrid 2 - Fabril 2 (Víctor -2-) Fabril 0 - RC Celta B 1 CF Fuenlabrada 1 - Fabril 0 Fabril 1 (May) - Ponferradina 2 Burgos 2 - Fabril 1 (Raúl González) Fabril 1 (Quique Fornos) - CF Salmantino 0 Guijuelo 1 - Fabril 0 Fabril 2 (Juanje e Montiel) - AD Unión Adarve 3 Fabril 0 - UD San Sebastián de los Reyes 1 Coruxo FC 1 - Fabril 0 Fabril 2 (Uxío e Gandoy) - Rápido de Bouzas 1 Pontevedra CF 2 - Fabril 2 (Montiel e Villares) Fabril 1 (Quique Fornos) - As Palmas Atlético 1 Atlético de Madrid B 3 - Fabril 0 Fabril 4 (Víctor -2-, May e Uxío) - Real Madrid Castilla 3 Unionistas de Salamanca CF 0 - Fabril 0 Fabril 1 (Uxío) - CyD Leonesa 2 CDA Navalcarnero 2 - Fabril 0 Fabril 1 (May) - Real Valladolid B 1 Fabril 0 - Internacional de Madrid 1 RC Celta B 2 - Fabril 0 Fabril 0 - CF Fuenlabrada 1 SD Ponferradina 3 - Fabril 0 Fabril 2 (May e Montiel) - Burgos CF 0 CF Salmantino 0 - Fabril 0 Fabril 0 - CD Guijuelo 1 AD Unión Adarve 1 - Fabril 0 UD San Sebastián de los Reyes 2 - Fabril 0 Fabril 1 (Abeledo) - Coruxo FC 1 Rápido de Bouzas 2 - Fabril 1 (Uxío)