A Federación Galega de Fútbol fixou o partido aprazado polo temporal do pasado 21 de decembro entre o Fabril e o UD Paiosaco H. Añón para o 25 de febreiro, martes de Entroido, ás 16:15 horas en Abegondo. O encontro corresponde á 17ª xornada no grupo 1º da Terceira División.
O conxunto que prepara Luisito marcha 5º na táboa con 31 puntos, os mesmos que o CD Choco. Ambos os equipos enfróntanse este sábado 18 de xaneiro en Abegondo (17:30 horas). A 3 puntos de distancia atópase a última posición do playoff de ascenso, ocupada polo Arosa SC, 4º con 34 puntos.
