Este mércores 18 de xullo tivo lugar o sorteo da 30ª edición da Copa Deputación da Coruña, na que participa, como cada verán, o Fabril.
O primeiro rival do filial deportivista que dirixe Tito Ramallo será o vencedor da primeira rolda entre o Atlético Coruña Montañeros e o Portazgo, que se xogará o domingo 29 de xullo.
Nesta competición, as eliminatorias serán a partido único, e xogaranse no campo do equipo de menor categoría ou, no caso de ser da mesma, segundo ditamine o sorteo.
As datas de competición son as seguintes:
Dezaseisavos de final: Mércores 1 de agosto
Oitavos de final: Domingo 5 de agosto
Cuartos de final: Mércores 8 de agosto
Semifinal: Domingo 12 de agosto
Final: 15 ou 16 de agosto, segundo ditamine a Federación Galega de Fútbol.
Partidos confirmados da pretemporada do Fabril '18-'19:
Sábado 21 de xullo, Cidade Deportiva de Abegondo, 10:30 h.: Dépor - Fabril
Xoves 26 de xullo, campo de El Pardo en Navia, 18:00 h.: Real Oviedo Vetusta - Fabril
Domingo 29 de xullo, A Magdalena de Vilalba, h.s.c.: Racing Villalbés - Fabril
Mércores 1 de agosto: Atlético Coruña Montañeros ou Portazgo - Fabril
