O Comité de Competición fixou as datas nas que se disputarán os dous partidos aprazados do Xuvenil B neste mes de novembro no subgrupo A da Liga Nacional por casos positivos de COVID-19 nos seus rivais.
Así, o encontro correspondente á 2ª xornada entre o Xuvenil B e o EF Lalín en Abegondo celebrarase o vindeiro martes 8 de decembro, día festivo, ás 11:00 horas.
E o choque da 3ª xornada entre o SD O Val e o Xuvenil B xogarase o mércores 16 de decembro ás 17:30 no campo do Sinde en Narón.
O equipo deportivista que dirixen Alejandro Antón e Aldo Duscher arrincou a competición ligueira o 7 de novembro cunha goleada (0-4) ante o Racing Villalbés, con tantos de Diego Gómez, Embid, Hugo Baldomar e Martín Ochoa.
Esta fin de semana, con motivo da 4ª xornada, o Xuvenil B recibe na Cidade Deportiva ao Pontevedra CF, o domingo 29 de novembro ás 12:00.
