Óscar Cano comentou na sala de prensa do Estadio Fernando Torres que "11 contra 11 estivo máis igualado o partido. Eles co seu recurso do xogo directo, de moita xente grande, meténdonos no area e tratando de aproveitar unha das carencias que temos, que é a defensa deses xogos directo e da área polo perfil de xogadores que temos; pero a partir do primeiro gol e sobre todo coa expulsión de Diamé todo facilitouse porque o partido se puxo precisamente para que podamos expresar as nosas características: un xogador máis, xente que fai un moi bo uso do balón... E dixeramos no descanso: tratar de mover o balón sen precipitarnos, que non se convertese nun ida e volta e que a ver se aparecían os espazos. Apareceron, Quiles estivo acertadísimo e o partido foi nos últimos minutos plácido, pero moi determinado ou moi condicionado pola expulsión de Diamé".
Cre que o Dépor "merecíase" un partido como o desta tarde: "Para min non foi xusto perder contra o Castilla, foi moi inxusto non golear o outro día á Cultural Leonesa. O propio Mere comentoumo antes do partido, teño unha gran relación co corpo técnico do Fuenlabrada e aínda se sorprenden de como o Dépor co que fixo non foi capaz de gañar. Hoxe tocounos todo a favor. Isto é o fútbol. Viviremos situacións adversas e hoxe púxollenos todo de cara. É verdade que o criterio que utilizou o árbitro co cartón de Quiles fai que a de Diamé, que foi a mesma entrada, fose xusta a expulsión e a partir de aí facilitouse todo".
Conclúe que "os mozos o merecían e todo o deportivismo tamén, ver gañar ao seu equipo. Levamos dúas vitorias fóra de ABANCA-RIAZOR nos dous últimos partidos e imos tratar de ser optimistas, de recuperar á xente que ten diversas doenzas de máis ou menos magnitude e preparar o partido do próximo sábado, que é moi importante".
Ten claro o adestrador branquiazul que "se no campo coinciden Roberto Olabe, Lapeña, Jaime, Rubén, Mario, Isi... é normal que o equipo teña a pelota e que a partir de aí faga crecer a xogada. Hoxe estivemos moi ben en ataque, porque en ataque tamén temos moita dinamita. Os laterais cada vez están mellor... E por aí vén o progreso do equipo: en ataque ter o acerto que nos faltou de cara a portería porque estabamos a xerar moitísimo e minimizar as posibilidades de contraataque e de xogo directo dos equipos contrarios, que é onde máis sufrimos. Por aí pode vir a marxe de mellora que ten este equipo".
Óscar Cano advirte sobre o seguinte rival en ABANCA-RIAZOR, o Córdoba CF o sábado 3 de decembro ás 19:00, que desde a súa chegada ao Dépor "obtivemos moitos puntos, gañamos 4 de 6 partidos, empatamos 1, só perdemos 1; pero vén un gran equipo dun paisano meu como é Germán Crespo, que tamén é granadino. É un equipo que xoga moi ben, moi ben armado pola Dirección Deportiva. Vai ser un partido bonito e apaixonante porque xogan dous equipos que queren monopolizar o balón e sobre todo que teñen moitos e moi bos recursos".