Diego Villares foi sometido a probas médicas para ditaminar o alcance exacto das molestias que sufriu na primeira metade do partido do pasado sábado en Guijuelo.
Os Servizos Médicos que dirixe o doutor Carlos Lariño comprobaron que Villares ten unha lesión muscular na musculatura isquiotibial da súa perna esquerda.
O centrocampista branquiazul estará uns días con tratamento médico e de fisioterapia. En función da súa evolución, pasará a continuación á fase de readaptación física, paso previo ao seu regreso aos adestramentos co grupo.
