Mañá venres 23 de marzo, tres deportivistas teñen compromiso coas súas respectivas seleccións nacionais: Celso Borges con Costa Rica; Fabian Schär con Suíza; e o fabrilista Francis Uzoho con Nixeria.
As tres selecciones están clasificadas para o vindeiro Campionato do Mundo de Rusia 2018.
Costa Rica, con Celso Borges, visita a Escocia
A selección de Costa Rica, con Celso Borges entre os convocados, preparará ante Escocia e Tunisia a próxima cita mundialista.
Mañá venres 23 de marzo, Costa Rica visita a Escocia no estadio Hampden Park (19:45, hora local) de Glasgow.
O martes 27 de marzo, a selección 'tica' mídese a Tunisia no Alliance Riviera da cidade francesa de Niza (20:00 horas).
Borges ten previsto aterrar na Coruña o mércores 28 ás 17:00 horas.
Suíza prepara con Schär en Atenas a cita mundialista
Suíza citou ao deportivista Fabian Schär para dous amigables de preparación para o vindeiro Campionato do Mundo.
Así, mañá venres 23 de marzo, os suízos xogan ante Grecia en Atenas (20:00 hora local).
A segunda cita para os suízos será o martes 27 de marzo no Swissporarena de Lucerna (19:00 horas) ante Panamá.
O central branquiazul regresará á Coruña o mércores 28 ás 17:00 horas.
Francis, fronte a Polonia
A meta deportivista Francis Uzoho foi convocado por Nixeria para dúas novas probas de cara ao Mundial de Rusia 2018.
Mañá venres 23 de marzo, Nixeria enfróntase a Polonia en Breslavia (20:45).
O martes 27, os nixerianos terán como rival a Serbia en The Hive Stadium en Londres (21:00, hora local).
Por conseguinte, será baixa Francis para o partido do Fabril ante o Pontevedra do sábado 24 de marzo en Abegondo (17:00 horas).
