Esta fin de semana dous equipos de #ANOSACANTEIRA teñen partido ligueiro na Cidade Deportiva: Fabril (mañá domingo ás 12:00) e Xuvenil A (2-0 esta tarde). Neste encontro, Peke, con dous tantos, foi o gran protagonista.
Os partidos do Xuvenil B e do Deportivo ABANCA B, ante SD O Val e CD Valladares respectivamente, foron aprazados por positivos de COVID-19 nos rivais branquiazuis.
O Comité de Competición fixará agora unha nova data "o máis próxima no tempo", tal e como afirma o Xuíz Único nas súas resolucións.
No Fabril, Juan Carlos Valerón citou a todo o seu cadro. Son baixa os lesionados Pescador, Javi Sánchez, Juan Rodríguez e Adri Castro, este illado no seu domicilio, tal e como establecen as autoridades sanitarias, por ser contacto estreito cunha persoa positiva en COVID-19. A novidade é a presenza do futbolista xuvenil Guille Bueno.
O calendario de partidos para mañá domingo, cos resultados dos xa xogados, é o seguinte:
Terceira División
Subgrupo A, 6ª xornada: FABRIL - CD AS PONTES, o domingo 22 de novembro ás 12:00 en Abegondo
Categoría feminina
Primeira Nacional, subgrupo A, 5ª xornada: DEPORTIVO ABANCA B - CD VALLADARES, aprazado.
Categoría xuvenil
División de Honra, subgrupo A, 4ª xornada: XUVENIL A 2 (Peke -2-) - ED VAL MIÑOR NIGRÁN 0
Liga Nacional, subgrupo A, 3ª xornada: SD O VAL - XUVENIL B, aprazado
