Xuvenil B, Cadete A, Cadete B e Infantil A finalizan entre hoxe venres 2 de xuño e mañá sábado 3, os seus respectivos campionatos ligueiros, despois de moitos meses de competición.
De todos eles, xógase o título o Cadete B, que recibe ao Dumbría mañá sábado 3 de maio ás 16:00 horas. Para ser campión necesita vencer e que o Calasanz non gañe na Coruña ao Racing de Ferrol B. Aos deportivistas poderíalles valer un empate se os colexiais, agora líderes, caesen derrotados ante o filial racinguista.
Para este partido, do mesmo xeito que para o do Infantil A, os socios teñen libre acceso á cidade deportiva. Para o público sénior, a entrada custa 3 euros.
Pola súa banda, Xuvenil A e Deportivo Abanca B aspiran a remontar na Coruña os resultados adversos cultivados no seu partido de ida de cuartos de final copeiro.
O Xuvenil A recibe ao Sevilla en Riazor este domingo ás 12:00 coa ilusión de meterse en semifinais da Copa do Rei. Co 2-1 da ida, aos deportivistas valeríalles un 1-0 para superar ao seu rival. Os branquiazuis adestráronse onte no estadio, nunha toma de contacto co escenario do partido.
Pola súa banda, o Deportivo Abanca B necesita remontar ante o Torre (o domingo 4 ás 16:00 na cidade deportiva da Torre) o 0-1 de Arteixo do pasado domingo, para seguir adiante na Copa de Primeira División.
Nesta ocasión, teñen torneo amigable Infantil B (en Cerdeña), Alevín A (Barcelona), Alevín B (Calamocha, Teruel), Benxamín A (Düsseldorf, Alemaña) e Benxamín B (Carballo).
O calendario de partidos da xornada deste fin de semana, cos resultados dos partidos de hoxe venres, é o seguinte:
Categoría feminina
Copa de Primeira División, cuartos de final, volta: TORRE - DEPORTIVO ABANCA B, o domingo 4 de xuño ás 16:00 na Torre. Na ida: 1-0
Categoría xuvenil
Copa do Rei, cuartos de final, volta: XUVENIL A - SEVILLA, o domingo 4 de xuño ás 12:00 en Riazor. Na ida: 1-2
PORRIÑO - XUVENIL B, o sábado 3 de xuño ás 12:00 no Lourambal
Clasificación da Liga Nacional: 1. Celta B, 80 puntos; 2. Xuvenil B, 72 puntos; 3. Pontevedra, 64 puntos...
Amigable, xogado o xoves: XUVENIL B 0 - HASTINGS UNITED FC 0
Categoría cadete
GALICIA CARANZA 0 - CADETE A 2 (Julián e Bruno)
Clasificación da División de Honra: 1. Celta A, 97 puntos; 2. Cadete A, 85 puntos; 3. Victoria (un partido menos), 62 puntos...
CADETE B - DUMBRÍA, o sábado 3 de xuño ás 16:00 en Abegondo (campo 5)
Clasificación da Liga Galega, grupo 1º: 1. Calasanz, 76 puntos; 2. Cadete B, 74 puntos; 3. Santiago de Compostela, 64 puntos...
Categoría infantil
INFANTIL A - DUMBRÍA, o sábado 3 de xuño ás 16:00 en Abegondo (campo 6)
Clasificación da Liga Galega, grupo 1º: 1. Infantil A (xa campión), 95 puntos; 2. Ural, 76 puntos...
Categoría benxamín
Mini Teresa Herrera, eliminatoria previa, xogado o mércores: BENXAMÍN A 11 (Álex -3-, Jairo -2-, Dani -2-, Marcos, Bruno, Pablo Vázquez e Pablo Fernández) - SAN CRISTÓBAL 1
Mini Teresa Herrera, oitavos de final: BENXAMÍN A - IMPERÁTOR, o martes 6 de xuño ás 18:30 na Torre
