Poroto Lux, que estreou capitanía, dixo estar "contento pola vitoria, por como se deu. En xeral o equipo estivo moi ben. Non sufriu en ningún momento".
Neste sentido, opina o internacional arxentino que "o equipo dominou o partido o noventa minutos. Contento porque necesitabamos gañar desta maneira porque serve e pola xente. Sempre vén e acompáñanos. Necesitabamos unha vitoria en casa e dedicámoslla a eles".
Lucas, goleador por partida dobre, insistiu en que "necesitabamos a vitoria pola nosa afección".
Subliña o atacante coruñés, despedido pola bancada de Riazor cunha gran ovación, que "o equipo loitou moito. Fixemos un bo partido, estudamos moi ben ao rival. As rotacións viñéronnos moi ben. Estamos contentos, ilusionados e a seguir nesta liña".
Finalmente, outro coruñés, Pedro Mosquera, manifestou que "tiñamos moitas ganas de gañar aquí en casa e saímos moi enchufados".
Destacou Mosquera que "deixar a portaría a cero é moi importante. Tampouco somos un equipo que leve moitos goles en contra, e si bastantes a favor. Alégrome sobre todo por Germán (Lux)".
