Trece institucións sociais gozaron da bancada solidaria de Riazor no Dépor-Alavés da 23ª xornada de LaLiga
Contra os vitorianos, as entidades beneficiarias foron Down Coruña, Terra Solidaria, Fundación Adcor, Reto Coruña, Asociación cultural e social Boanoite, Centro de Menores José Calasanz, Aspace Coruña, Hogar Sor Eusebia, Aspronaga, Cáritas Diocesana de Ourense, Cogami, Fundación Érguete e Cultural Maniños S.D.
A Bancada Solidaria de Riazor dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 259 500 (Extensión 1: Oficina de Atención al Deportivista).
