Trece institucións sociais gozaron da bancada solidaria de Riazor no Dépor-Málaga da 32ª xornada de LaLiga.
Contra os andaluces, as entidades beneficiarias foron: Agalure, Asociación Remar, CASCO-Comité Antisida Coruña, Centro de Menores Concepción Arenal, Centro de Menores José Calasanz, Cogami, Colectivo Moucho, Down Coruña, Fundación Adcor, Fundación Erguete, Hogar Sor Eusebia, Proyecto Social La Marola e Terra Solidaria.
A Bancada Solidaria de Riazor dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 259 500 (Extensión 1: Oficina de Atención al Deportivista).
