Último partido mañá martes de Teresa Abelleira con España Sub-19
Teresa Abelleira, capitá do Deportivo ABANCA, participa estes días en Albania coa Selección Española Sub-19 nun Mini Torneo Elite clasificatorio para o Europeo da categoría.
Mañá martes 31, o equipo hispano finaliza a súa participación coa terceira xornada, na que terá a Ucraína como rival. España está virtualmente clasificada para a Rolda Elite da categoría, o próximo ano en Suíza.
Na primeira xornada, ante a anfitrioa Albania, Teresa Abelleira foi titular na contundente vitoria (0-8) e anotou dous goles, o 0-2 e o 0-4, ambos na primeira metade.
O rival o pasado sábado na segunda xornada de competición foi Azerbaiján. De novo houbo goleada española (6-0), aínda que esta vez a xogadora branquiazul non chegou a saltar ao terreo de xogo.