Esta mañá tivo lugar unha reunión na Mutua Asepeyo na que participaron membros de Asepeyo e, por parte do Deportivo, Rafa Martín Aceiro, coordinador do Servizo de Atención e Recuperación do Futbolista, e un dos médicos do Club Ramón Barral. Valerón superou un longo proceso desde o ano 2006
Esta tarde, o futbolista, acompañado polo traumatólogo do Club Rafael Arriaza, dará unha rolda de prensa no Estadio de Riazor, ás 19.30 horas.
O día 22 de xaneiro de 2006, nun partido da liga Profesional de Fútbol sufriu unha lesión diagnosticada como grave pola rotura do ligamento cruzado anterior do seu xeonllo esquerdo. Autorizado pola Mutua ASEPEYO, foi intervido polo Dr. Pedro Guillén, superadas todas as fases prescritas por eles e os Servizos Médicos do Real Club Deportivo da Coruña, obtivo a alta médica para incorporarme á disciplina do persoal profesional do R.C. Deportivo da Coruña ao comezo dos adestramentos da tempada 2006/07. Logrando a incorporación á competición deportiva oficial.
O día 28 de xullo de 2006, de concentración de preparación para a tempada con todo o persoal do Real Club Deportivo da Coruña S.A.D. en Illa Canela (Huelva), nun partido de preparación sufriu unha recaída, con rotura do mesmo ligamento cruzado anterior do seu xeonllo esquerdo. Autorizado pola Mutua ASEPEYO, foi intervido polo Dr. Pedro Guillén, superadas todas as fases prescritas por el e os Servizos Médicos do R.C. Deportivo da Coruña, obtivo a alta médica para incorporarse á disciplina do persoal profesional do R.C. Deportivo da Coruña tanto para os adestramentos como para a competición deportiva oficial, antes de que finalizase o ano 2006
O día 15 de xaneiro de 2007, realizando un partido de adestramento co equipo profesional do Real Club Deportivo da Coruña S.A.D en Abegondo, tivo unha nova recaída da mesma lesión no seu xeonllo esquerdo, manifestándose unha gran inestabilidade na mesma. Practicóuselle tratamento conservador ata o 19 de marzo de 2007, non logrando realizar os esforzos propios da súa actividade profesional. Concluída esta fase, e as probas e valoracións sobre a situación anatómica e funcional do xeonllo esquerdo de. Juan Carlos Valerón para o exercicio da súa profesión, participando nestes estudos e análises os especialistas: Dr. Pedro Guillén (Madrid), Dr. Rafael Arriaza (A Coruña), Dr. Antonio Cruz (Santander), Dr. Manuel Leis (Madrid), Dr. Antonio Mestre (Guijón) Dr. John Bergfeld (EE.UU.), Dr. Ferrán Cardeal (Barcelona), e Dr. Carlos Leitao (BRASIL), tomouse a decisión dunha nova cirurxía.
O 24 de marzo foi intervido polos Drs. Arriaza, Mestre, Cruz e Leis, no hospital USP Santa Teresa da Coruña, autorizado pola Mutua ASEPEYO. No propio acto cirúrxico determinouse o uso da técnica máis idónea para as circunstancias anatómicas e biomecánicas, co obxectivo de implementar ao máximo a estabilidade do seu xeonllo esquerdo. En primeiro lugar pretendendo a maior calidade de vida posible para Juan Carlos Valerón, e, en segundo lugar, de ser posible, instaurando na súa articulación a funcionalidade necesaria para o posterior intento de volver á práctica do fútbol.
Desde finais de marzo de 2007 ata a data, participaron no proceso de rehabilitación, fisioterapia, readaptación deportiva e futbolística, dirixido polo Dr. Rafael Arriaza (R.C. Deportivo), os Médicos do R. C. Deportivo (Ramón Barral e Carlos Lariño) e da Mutua ASEPEYO, os fisioterapeutas do R. C. Deportivo (Sergio Álvarez, Pablo López, e Sergio Patiño) e do F.C. Barcelona (Cos), e o readaptador físico-deportivo do R.C. Deportivo (Carlos Lalín).
