O Real Club Deportivo quere facilitar a todos os deportivistas o desprazamento ao partido máis importante da temporada do Dépor Abanca lonxe de Ponte dos Brozos e, da man da Federación de Peñas, pon os seus recursos ao alcance dos afeccionados para estar en Oviedo a próxima fin de semana.
O Dépor faise cargo do traslado en autocar de todos os deportivistas que queiran estar o vindeiro domingo ás 12:30 h. no estadio Manuel Díaz Veiga animando a #AsNosas nun dos partidos que marcarán o desenlace da competición.
A xestión do resto da viaxe corresponde á Federación de Peñas do Real Club Deportivo. A saída é o sábado ás 16 h. do Palacio dos Deportes de Riazor. O regreso o domingo após o partido. Os deportivistas só deberán pagar entrada e hotel por un total de 35 euros.
O límite para anotarse é o mércores 15 de novembro. O contacto: fpdeporviajes@gmail.com ou o 604053164 de 10 a 13 e de 18 a 21 horas.
