Víctor Fernández admite que o Dépor ''vaise a reforzar en todas as liñas excepto na portaría''
Primeira comparecencia pública de Víctor Fernández na sala de prensa de Abegondo, esta mañana ao finalizar o adestramento matinal do primeiro equipo.
O técnico deportivista admite que o Dépor " vaise a reforzar en todas as liñas excepto na portaría, onde temos a dous grandes porteiros".
É máis, desvelou que o Club está "ben situado" para a contratación de dous futbolistas "importantes", cuxa identidade non foi desvelada, dada a prudencia que é necesaria neste tipo de operacións.
Víctor mostrou publicamente a súa satisfacción polas instalacións de Abegondo e polo persoal do Club.
Ademais, asegurou que Roberto Cabellud "será o meu axudante e o máximo responsable da preparación física"; e eloxiou ao persoal do Club, caso de José Ángel Franganillo, do que destacou a súa "lealdade e profesionalidade".