Dentro do programa de actividades e adestramentos do Deportivo de LaLiga Genuine, este mediodía disputáronse unha serie de partidos de adestramento nos que participaron os xogadores do conxunto branquiazul mesturados con representantes de #ANOSACANTEIRA.
Jorge e Mesfin (infantís), Hugo Matos, Fernando Iglesias, Marcote, Kevin, Diego Gómez, Ochoa, Canales, Nico Casalderrey e Embid (cadetes) mesturáronse co grupo dos venres do Dépor Genuine, mentres que Prendes, Iker, Alberto, Luque, Adrián Pereda e Guedes (xuvenís) exerceron de árbitros e adestradores nos partidos de fútbol 8 disputados no campo 1 da Cidade Deportiva da Torre.
Esta xornada de adestramento enmárcase dentro das actividades que vén desenvolvendo o equipo do Deportivo de LaLiga Genuine por segunda campaña consecutiva.
