A Federación de Peñas do Deportivo pechou xa o prazo de inscrición para a viaxe que mañá desprazará, finalmente e en total, a 215 afeccionados, moitos deles membros de 16 agrupacións branquiazuis. O Real Club Deportivo quixo agradecer o esforzo dos seus seguidores, que viaxarán ida e volta no día do partido, custeando os autobuses nos que os seareiros se desprazarán a Vitoria.
Os afeccionados que viaxan desde A Coruña sairán ás 07:00 h. rumbo a terras vascas e regresarán á finalización do partido.
As peñas que estarán representadas en Mendizorroza son: Checa, Orgullo Koruño, Chamberi, Mazaricos, Llodio, Pardo de Cela, Rouba Risons, Bodipo, Rías Baixas, Brigantium, Manuel Pablo, O Roxo, Verín, La Cuesta, Perla de Arousa y Jaballi.
