A Asociación de Clubes Galegos de Fútbol premiará este próximo venres 30 de xuño ao Fabril e ao Deportivo Abanca.
O filial deportivista será recoñecido por ser campión do grupo 1º da Terceira División e lograr o ascenso á Segunda División B.
Pola súa banda, o Deportivo Abanca recibirá o premio 'Verónica Boquete' por ser o primeiro club galego profesional con sección de fútbol feminino.
O acto de entrega de premios será na Sala Obradoiro do Palacio de Congresos e Exposicións de Galicia, sito en Santiago de Compostela.
