O Dépor Genuine protagonizou onte xoves 22 de febreiro unha exitosa xornada de deporte inclusivo na Universidade da Coruña (UDC).
A xornada abriuse no Salón de Graos da Facultade de Ciencias da Educación, onde os responsables do Dépor Genuine presentaron o proxecto de deporte inclusivo do equipo branquiazul.
O estadio Mariña Dourada, no Campus Universitario de Elviña, acolleu despois unha serie de partidos de fútbol 8, nos que participaron estudantes da UDC mesturados cos compoñentes do Dépor Genuine.
