O Dépor adestrouse esta mañá baixo a choiva no campo 2 de Abegondo previo á xornada de descanso de mañá martes.
Óscar Gilsanz dispuxo unha activación con rondos e un exercicio de posición para todo o grupo.
A continuación, os titulares o pasado sábado en El Molinón tiveron tarefas de recuperación.
Para o resto do equipo, incluídos os fabrilistas Hugo Ríos e Guerrero, houbo ademais un exercicio de finalizacións e fútbol reducido.
Tiveron traballo personalizado Dani Barcia, Mella, Ximo Navarro, Jose Ángel, Yeremay e Gauto, que xa completa a primeira parte da sesión co grupo.
Pablo Vázquez ve á xente "moi cansa. Estamos a facer todo o posible, o que nos dá, tentando crecer para que o ano que vén sexa todo distinto".
Mañá martes hai xornada de descanso. O equipo regresa aos adestramentos este mércores 14 de maio a partir das 11:00.
