O Xuvenil A, que ten parón de liga esta semana, disputará esta tarde, ás 20:00 horas, un amigable de preparación no campo 4 de Abegondo ante o Silva SD de Terceira RFEF.
Os branquiazuis, que marchan segundos na División de Honra con 45 puntos por 47 do RC Celta, regresan á competición ligueira o 6 de febreiro (pendente de confirmación) en Cantabria ante o CD Bezana, xusto antes a eliminatoria ante o FC Dynamo Kyiv ucraíno correspondente ao playoff da UEFA Youth League. Esta histórica cita xogarase a partido único en ABANCA-RIAZOR o mércores 9 de febreiro ás 19:00 horas, retransmitido en directo por Movistar+.
