A Real Federación Española de Fútbol fixo público e comunicaou ao RC Deportivo ás 15:19 h. de hoxe o seguinte:
"A RFEF informa que no día de hoxe, o Xuíz Único de Competicións Non Profesionais e en atención ao previsto no Regulamento Xeral da RFEF e ao conxunto de información dispoñible e aos feitos que quedaron acreditados até o momento, resolveu iniciar un procedemento de desinscripción do equipo Dux Internacional de Madrid da categoría Primeira Federación. Deuse ao Club un prazo para presentación de alegacións antes da resolución definitiva.
A resolución ditouse co obxecto de garantir o adecuado desenvolvemento da competición, velar polo fair play deportivo e garantir os dereitos dos outros clubs da competición.
Na mesma resolución adoptouse a medida de suspender provisionalmente a inscrición do club Dux Internacional de Madrid en Primera Federación e aprazar o partido que debía disputarse no día de mañá entre o Deportivo de La Coruña SAD e o Dux Internacional de Madrid ata que se dite a resolución definitiva do expediente de competición.
A RFEF quere pór de manifesto fronte ás diversas informacións erróneas publicadas durante os últimos días, que é a súa obrigación cumprir coas normas do Regulamento Xeral, cumprir escrupulosamente cos procedementos establecidos."
