Aranzubía: A base do equipo é a mesma e iso é algo que temos gañado xa

-¿Que tal de vacacións?
-Ben. Ata que se acaban, moi ben. Logo toca traballar.

-¿Cal é a túa declaración de intencións?
-Pois prepararnos ben para recuperar forzas e o ton físico. Agora mesmo toca ésto.

-O persoal do Dépor cada vez é máis novo.
-No fútbol cúmprense ciclos. Hai xogadores que nos imos facendo máis veteranos e van chegando outros.

-¿Que impresión tes das caras novas?
-Pois apenas estamos en contacto porque estamos a adestrar por grupos. Cando coincides no vestiario sempre tentas falar con eles para facerlles a aclimatación máis fácil.

-Ti salvaches moitos puntos ao equipo estes anos.
-Para iso estamos os porteiros, para evitar os goles.

-Fuches campión do mundo Sub-20, ¿que sentes ante a final da Selección de mañá?
-Pois unha envexa sanísima agora que vai xogar unha final dun Mundial e que pode ser campioa do mundo.

-Puideches seguir esa liña de Casillas, Marchena...
-Son tres os que están agora que estiveron comigo fai xa once anos. Eu de todos os xeitos non me podo queixar de como me foron as cousas. Estou aquí encantado.

-¿Que darías por estar alí?
-Todo. Para un futbolista estar nun Mundial é o máximo. Non digamos nunha final.

-¿Como ves o partido ante Holanda?
-Todos vemos a España como favorita.

-Volvendo ao Dépor, hai unha amálgama interesante de mozas e veteranos.
-Eu creo que éso pasa un pouco en todos os equipos.

-A tempada pasada falábase de manter un pouco a base para este ano, ¿conseguiuse?
-Si. A base continúa. Aínda que houbo algunha saída, os xogadores somos os mesmos e o adestrador igual. Nese sentido ésto témolo gañado.

-Os afeccionados do Dépor pensan que este ano será o de volver a Europa.
-É lóxico que o pensen e que estean ilusionados porque nos quedamos ás portas xa un par de veces.